Frikë dhe panik kanë përjetuar pasagjerët që po udhëtonin me “Arik Air”, në Nigeri. Një shpërthim ndodhi gjatë fluturimit, dhe një nga motorët e avionit u shkatërrua.
Ngjarja e regjistruar nga vetë pasagjerët në bordin e një fluturimi të “Arik Air” tregon motorin e majtë të shkatërruar, ndërsa avioni po fluturonte nga Lagosi në Port Harcourt.
Për shkak të kësaj piloti u detyrua që të bënte një ulje emergjente në Benin, ndërsa fatmirësisht nuk u raportua për të lënduar.