E Ngarkuara me Punë e Ambasadës së SHBA në Tiranë, Nancy VanHorn u takua sot me kryetarin e Parlamentit Niko Peleshi.
Ambasada amerikane ka zbardhur takimin duke theksuar se në fokus të diskutimeve kanë qenë prioritetet e Parlamentit dhe fushat kryesore me interes për Administratën Trump, duke përfshirë rritjen e shpenzimeve të mbrojtjes dhe forcimin e mekanizmave të kontrollit të investimeve, për të forcuar sigurinë dhe prosperitetin për Shtetet e Bashkuara dhe aleatët e tyre.
Postimi i Plotë:
“E Ngarkuara me Punë Nancy VanHorn u takua me Kryetarin e Kuvendit, Niko Peleshi, për të diskutuar mbi përparësitë e Kuvendit dhe fushat kyçe me interes për Administratën Trump, duke përfshirë rritjen e shpenzimeve për mbrojtjen dhe forcimin e mekanizmave të kontrollit të investimeve, me qëllim forcimin e sigurisë dhe mirëqenies për Shtetet e Bashkuara dhe Aleatët e saj. Presim me kënaqësi të bashkëpunojmë me Kuvendin për këto objektiva të përbashkëta”.