Presidenti amerikan Donald Trump ka deklaruar se një marrëveshje paqeje në Ukrainë “po afrohet”, por Moska nuk duket se është në të njëjtën faqe.
Ministri i Jashtëm rus Sergei Lavrov tha se pavarësisht disa shenjave të hershme pozitive në lidhje me marrëdhëniet SHBA-Rusi nën presidencën e Trump, “asgjë nuk po ndodh” në realitet, pasi procesi i paqes për t’i dhënë fund luftës duket se ka ngecur.
Duke folur për mediat ruse, Lavrov tha se “fjalët e mira” mbi bashkëpunimin e mundshëm me SHBA-në nuk kanë sjellë rezultate deri më tani, pasi “asgjë nuk po ndodh në jetën reale”.
“Përveç këtij dialogu të rregullt – i cili është normal në marrëdhëniet midis njerëzve dhe vendeve – gjithçka tjetër ndjek modelin e iniciuar nga Presidenti Biden”, tha Lavrov, duke iu referuar sanksioneve kundër Rusisë në veçanti.