Akademia suedeze ka vijuar edhe sot me ndarjet e çmimeve Nobel. Sot, rreth orës 13:00 është zbuluar fituesi i Çmimit “Nobel” për Letërsinë.
Fitues është shkrimtari hungarez László Krasznahorkai.
Krasznahorkai u zgjodh fitues “për veprën e tij bindëse dhe vizionare që, në mes të terrorit apokaliptik, riafirmon fuqinë e artit”.
László Krasznahorkai ka fituar më herët çmimin “Booker Prize” dhe është përkthyer në shqip me veprat “Tangoja e Satanait” dhe “Melankolia e qëndresës”.