Të paktën tre persona u plagosën rëndë në një të shtënë të mërkurën në një strukturë të Imigracionit dhe Doganave (ICE) në Dallas . Autoritetet konfirmuan se i dyshuari e drejtoi armën nga vetja.
Drejtori në detyrë i ICE-së, Todd Lyons, i tha CNN-së se nuk ishte e qartë nëse viktimat ishin punonjës të ICE-së, civilë që vizitonin strukturën apo të paraburgosur. “Ne ende po përpiqemi të përcaktojmë se kush ishte i përfshirë”, tha ai.
Sekretarja e Sigurisë Kombëtare Christie Noem konfirmoi incidentin dhe tha se kishte “lëndime dhe viktima të shumta” brenda qendrës së paraburgimit. Në një postim në Platformën X, ajo theksoi: “Ndërsa ende nuk e dimë motivin, e dimë që oficerët e ICE po përballen me dhunë të paparë kundër tyre. Kjo duhet të ndalet. Ju lutemi lutuni për viktimat dhe familjet e tyre.”