Deputeti i Partisë Demokratike, Bujar Leskaj, ka sfiduar hapur drejtuesit e forcës së tij politike, duke marrë pjesë në protestën në mbështetje të ish-krerëve të UÇK-së që po gjykohen në Hagë.
Pavarësisht qëndrimit zyrtar të PD-së, e cila nuk i bashkua protestës, Leskaj u shfaq mes protestuesve në sheshin “Skënderbej”, duke shprehur publikisht mbështetjen e tij për liderët e UÇK-së.
I pyetur nga gazetarët për vendimin e tij në kundërshtim me linjën e partisë, ai reagoi me një deklaratë të prerë:
“Kush po e rruan për urdhrat?”, tha Leskaj, duke larguar mikrofonin e gazetares dhe duke vijuar pjesëmarrjen në protestë.