Grupi parlamentar i Partisë Socialiste është mbledhur për të diskutuar mbi nismat e rëndësishme ligjore që do të jenë në rend dite gjatë seancës plenare të së enjtes.
Gjatë mbledhjes u bë e ditur se të enjten do të zhvillohet edhe votimi për kryetarin dhe katër anëtarët e tjerë të Komisionit Rregullator të KQZ-së.
Gjithashtu, në grup u kërkua angazhimi i të gjithë deputetëve socialistë në komisionet parlamentare në momentin kur në Parlament do të mbërrijë projektbuxheti për vitin e ardhshëm.