Mbahet sot një tjetër protestë në Prishtinë kundër aktgjykimit të Dhomave të Specializuara të Kosovës ndaj ish-krerëve të UÇK-së.
Në sheshin kryesor të kryeqytetit janë mbledhur një numër i madh qytetarësh, të cilët kundërshtojnë vendimin e Gjykatës Speciale ndaj Hashim Thaçit, Kadri Veselit, Jakup Krasniqit dhe Rexhep Selimit.
Mes protestuesve janë parë edhe Endri Thaçi dhe Klestor Veseli, djemtë e ish-presidentit Hashim Thaçi dhe ish-kryetarit të Kuvendit, Kadri Veseli.
Protesta zhvillohet nën moton “Jo në emrin tim”, ndërsa pjesëmarrësit kanë shprehur kundërshtimin e tyre ndaj aktgjykimit dënues të Dhomave të Specializuara.
Gjatë protestës, qytetarët janë dëgjuar duke brohoritur “UÇK!”, ndërsa tubimi vijon në sheshin e Prishtinës.