Pritet të nisin sot në Pakistan negociatat mes Iranit dhe Shteteve të Bashkuaram, që muhd të ccojnë në arritjen e një paqeje, pas vendosjes së armëpushimit 2 javor.
Autoritetet kanë vendosur pjesë të kryeqytetit Islamabad nën masa të rrepta sigurie, duke forcuar kontrollin në Zonën e Kuqe, distriktin diplomatik dhe qeveritar të mbrojtur rëndë të Islamabadit.
Zyrtarë iranianë dhe delegacioni amerikan, i kryesuar nga nënpresidenti JD Vance pritet të nisin sot bisedimet.
Kryeministri i Pakistanit, Shehbaz Sharif, dhe Shefi i Shtabit të Ushtrisë, Marshalli Asim Munir, pritet të përfshihen në diskutime, ndonëse lista përfundimtare e pjesëmarrësve ende nuk është konfirmuar zyrtarisht.
Edhe agjenda mbetet e hapur, por pritet që në qendër të bisedimeve të jenë depërshkallëzimi i situatës në rajon, siguria detare veçanërisht në Ngushticën e Hormuzit, si dhe tensionet më të gjera mes Uashingtonit dhe Teheranit.
Analistët vërejnë se pritja e këtyre bisedimeve nga Islamabadi nënvizon rëndësinë strategjike të Pakistanit, në një kohë kur tensionet në Lindjen e Mesme po intensifikohen.
Izraeli dhe Shtetet e Bashkuara sulmuan Iranin në fund të muajit shkurt, duke shkaktuar një luftë që ka lënë mijëra viktima dhe ka goditur rëndë ekonominë globale.Irani bllokoi Ngushticën e Hormuzit, një korridor jetik për energjinë botërore, duke shkaktuar mungesa të mëdha të naftës dhe gazit dhe rritje dramatike të çmimeve në mbarë botën.
Ndërhyrja e Pakistanit çoi palët drejt një armëpushimi dyjavor, të arritur të martën në mbrëmje, por vetëm pasi ish presidenti amerikan Donald Trump paralajmëroi se “një qytetërim i tërë do të zhduket” nëse Irani nuk bashkëpunon.